hæhæ.. það er orðið  frekar langt síðan ég skrifaði síðast... ef bara voða lítið að segja þessa dagana

Áðan var ég í prófi í sögu503 en það er listasaga og þessi áfangi er svooo leiðinlegur.. prófið var líka ógeð...vona bara að ég nái!!! Hvaða áhuga á maður að hafa á því hver málaði hvaða málverk og hvaða stíl hann aðhylltist og blablabla

Jæja nú hef ég sko svolítið til að segja ykkur.... ég á nefnilega flottustu stígvél í heiminum!!!   Hann Arnar elskan gaf mér æðisleg hvít stígvél (í stíl við hvíta leðurjakkann sko) og þau eru svoooo flott að ég gæti borðað þau

Annars er bara allt gott að frétta.. er bara í skólanum og svo er ég að vinna í kvöld og annað kvöld og svo líka um helgina..Dugleg!! Þegar ég er ekki í skólanum eða að vinna þá fer ég í hjúkkubúninginn, Arnar greyið fór veikur heim úr vinnunni í gær þannig að ég verð nú að hugsa um hann

veiiiii það er komin helgi eða svona næstum því   og þá er komið að afslöppunarhelginni minni...við Arnar ætlum að vera á Selfossi alla helgina að slappa af bara sofa, borða góðan mat, læra, lesa, horfa á sjónvarpið..IDOL og fara í heimsóknir....hlakka ekkert smá til! Hvað ætlið þið að gera?

...ekki að fara að skrifa hér áður en hún Sigga mín verður alveg bandbrjáluð

Núna eru svona Tyllidagar í skólanum hjá mér.. semsagt ekki venjulegir skóladagar.. í gær voru bara svona óformegir tímar þar sem kennararnir áttu að gera eitthvað skemmtilegt, ég fór reyndar ekki í neinn tíma því ég fékk leyfi vegna þess að ég, Hildur og Laufey vorum að klára eigindlega rannsókn sem við skiluðum í gær og svo í dag og á morgun eru ýmsir atburðir sem maður getur valið um að fara á.. maður verður að safna 7 stimplum til þess að maður fái ekki fjarvistir! Í dag fór ég í Þjóðminjasafnið og fékk 2 stimpla þannig að ég verð að vera dugleg á morgun og safna 5 stimplum!!! en nóg um þetta....

Í gær þegar Arnar var búinn í vinnunni brunuðum við á Selfoss alltaf svoooo gott að koma þangað... Hún Helena átti afmæli í gær og hélt afmælisboð fyrir okkur stelpurnar..ekkert smá gaman og vá hvað voru góðar veitingar   Takk fyrir mig Helena mín Jæja eftir afmælið fór ég heim og þar var Arnar í tölvunni (kemur á óvart..hummm )  Við ákváðum að gista bara á Selfossi og keyra til Reykjavíkur í morgun semsagt...sem var mjöööög sniðugt því að við sváfum svoooo vel að við ætluðum aldrei að geta vaknað

Jæja lömbin mín....af mér er allt gott að frétta nema það er eitt sem ég hef áhyggjur af... ég held að aldurinn sé farinn að segja til sín, þannig er nefnilega mál með vexti að ég er farin að sofna svooooo rosalega snemma öll kvöld! Það er samt mjög gott að sofna snemma og allt það..en þetta er á hverju kvöldi   ég sofnaði t.d. kl.22 á laugardagskvöldið síðasta og svo í þessari viku er ég búin að sofna öll kvöld kl. 21:30 eða 22... þannig að ég er mjööööög vel úthvíld þessa dagana  

Hrúturinn (21.mars - 19.apríl) - Ársspá 2004

Trygglyndi og örlæti einkennir stjörnu hrútsins sem er eldmerki. Skarpar gáfur einkenna þig á sama tíma og þú ert heillaður/heilluð hérna og verður ástfangin/n hratt ef þú ert ekki lofaður/lofuð nú þegar. Þú upplifir ástina árið framundan af öllum mætti og tekur jafnvel sjálfið og eigin lífsgildi til algerrar endurskoðunar. Silgreindu þarfir þínar og ekki síður takmörk.

Þú þarfnast félaga sem er jafn ákveðinn og þú en sem maki eða félagi birtist þú reyndar fókin/n af einhverjum ástæðum en skynjun þín og tilfinningar eru fyllri og opnari á þessum tímapunkti í lífi þínu þegar litið er til ársins 2004. Of mikið af hinu góða getur orðið leiðinlegt ef fjölbreytileikann vantar þegar laufin falla árið 2004 og ekkert gefandi verður á vegi þínum, hafðu það hugfast með komu haustsins. Vetrartíð sýnir þig sjálfstæða/n. Þú þarft að tileinka þér að læra að biðja um aðstoð þegar þú þarft á því að halda. Þér veitist reyndar auðveldarar að biðja um praktíska aðstoða en ást og alúð. Forvitni þín fær notið sín árið 2004 en þú fæst enn við spurninguna hvernig þú getir haldið og sleppt. Viðurkenning fyrir vel unnið starf tengist árinu 2004 þar sem eitt leiðir af öðru í jákvæðum skilningi og þar með uppfyllir þú þörf þína að standa fullkomlega á eigin fótum. Þú ferð í gegnum ýmsa ólíka hringi sem eru krefjandi og andstyggilegir oft á tíðum (að þínu mati) en vittu til, allt hefur tilgang og laun erfiðisins birtast þér svo sannarlega. Hafðu gott vald á smáatriðunum. Þú ert aldrei hamingjusamari en þegar þú ert fær um að gera tilveru þína fegurri. Sumar 2004 birtist innra með þér sterk og átríðuþungin rödd sem er án efa einn mesti styrkur þinn og þú ættir ekki að hika við að nota hana. Þú öðlast gleði af að skapa og þreifa á hlutum sem segir til um skynjun þína á valdi og afurð þeirrar jarðar sem þú ert sprottin/n úr. Gjafmildi þín er áberandi og þú verður komandi kynslóðum til hjálpar án efa en leyfðu öðrum að gera sín mistök og þroskast óheft. Virtu að sama skapi hæfileika og rými annarra. Mikilvægt skref í því að breyta hugsunarhætti þínum er hugleiðsla sem gæti auðveldað þér að komast þangað sem þú ætlar þér en fyrir alla muni skaltu hlusta gaumgæfilega á eigin líðan og reyndu ávallt að bregðast jákvætt við breytingum sem birtast þér fyrir árslok 2004.

Hæhæ... Jæja verð ég ekki að segja ykkur smá frá helginni..

Á föstudaginn var (eins og flestir ættu að vita) fyrsti Idolþátturinn!! Ég eldaði núðlur með kjúklingabringum og grænmeti..og þetta varð svo mikill matur að ég ákvað að bjóða Hildi og Gulla í mat til okkar Arnars. Þau ætluðu að koma eftir mat og horfa á Idolið með okkur en sem betur fer voru þau ekki búin að borða þegar ég hringdi því annars hefðum við Arnar verið að borða núðlur alla helgina  Jæja eftir matinn settum við okkur í stellingar og biðum eftir Idolinu... og váááá ég hélt að ég myndi stundum drepast úr hlátri bara gaman sko!! Get ekki beðið eftir næsta þætti!! Jæja svo horfðum við á Svínasúpuna og þegar hún var búin spiluðum við Friendsspilið! Rosalega skemmtilegt kvöld.

Á laugardaginn vöknuðum við Arnar frekar snemma og Arnar ákvað að við skyldum fara í gönguferð og ekki nóg með það heldur skyldum við labba upp Esjuna... Við fórum heim til Arnars og náðum í Lukku og lögðum af stað á nýja bílnum hans Arnars   Við vorum varla lögð af stað þegar ég gat bara ekki meira.. ég varð að snúa við greinilega ekki í nógu góðri þjálfun.... en það kemur með tímanum! Þannig að við fórum aftur heim til Arnars og fórum í pottinn, ekkert smá notalegt!! Fórum svo heim og vorum sofnum kl.22...já ég veit, ég er greinilega orðin gömul

Vöknuðum svo eldhress á sunnudagsmorguninn og fengum okkur rosagóðan morgunmat...það var sko bara morgunverðarhlaðborð takk fyrir og svo fór ég að vinna og vann allan daginn..ekkert smá dugleg

Já það er aldeilis...ég ákvað bara að breyta útliti síðunnar.. vona að fólk verði ekki fyrir vonbrigðum

VEIIII loksins er kominn föstudagur og fyrsti þátturinn í IDOL verður sýndur í kvöld ég get ekki beðið En annars er helgin óráðin..verð örugglega bara að læra og svo er ég að vinna allan sunnudaginn, þannig að ég held að ég verði bara mjög dugleg þessa helgi og gott fólk........ekki má gleyma IDOLINU kl.20:30 í kvöld....JIBBÍ JIBBÍ