Við Arnar fórum til Manchester á föstudaginn síðasta með vinnunni hans Arnars. Vorum á hóteli sem heitir City Inn, rosalega flott hótel og mjög góð staðsetning.

Á laugardaginn fórum við á leik, Manchester – Newcastle. Þvílíkur leikur! Staðan í hálfleik var 0-0. Eftir hálfleik var svo bara markaveisla! Ronaldo skoraði þrennu og leikurinn fór 6-0 fyrir Manchester!

Ég Liverpool aðdáandinn keypti mér bleika Ronaldo húfu fyrir leikinn! Hehe hélt að ég myndi nú ekki gera það! En það var bara hluti af stemningunni híhí

Eftir leikinn tók við löng og ströng bið eftir lestinni til baka, við biðum í 3 tíma í grenjandi rigningu eftir að komast aftur uppá hótel! Úfff maður var orðinn frekar blautur og þreyttur!

En vá hvað það er ótrúlegt að fara á svona leik, 76.000 áhorfendur! Við Arnar sátum á norðurhliðinni (langhliðin á móti varamannabekkjunum). Vorum ca. fyrir miðju á vallarhelmingnum þar sem öll mörkin komu, þannig að við vorum bara á mjög góðum stað!

Svo vorum við aðallega í búðum að versla það sem eftir var ferðar.. enda útsölurnar í hámarki! Við fórum reyndar ekki í stóra mollið sem er þarna, vorum bara á göngugötunni sem var rétt við hótelið, þar var alveg hellingur af búðum. Svo löbbuðum við líka helling um og skoðuðum borgina, fórum í risa Parísarhjól og sáum yfir borgina, rosalega flott!

Heimferðin gekk vel, vorum á Saga Class!! Ég hefði bara viljað vera í miklu lengra flugi.. vá hvað það er nice að vera á Saga Class! Ég efast um að ég vilji fara aftur í flug og vera í venjulegu sæti... það er glatað, sérstaklega þegar maður hefur prófað þennan lúxus

Núna er bara næst á dagskrá að skella sér á Liverpool leik!

Jæja ætli ég verði ekki að skrifa smá ferðasögu

Við s.s. fórum til Tenerife 31.okt síðastliðinn. Ferðin var í alla staði æðisleg! Við Arnar fórum við Lóu og Frey. Vorum á æðislega sætu og kósý hóteli, íbúðirnar voru mjög fínar og alveg við sundlaugargarðinn sem kom sér einstaklega vel   sérstaklega ef maður varð skyndilega þyrstur.. þá var gott að eiga kaldan bjór í ísskápnum

Við fórum í eina ferð, uppá hæsta fjall Spánar El Teide. Við fórum með kláf uppí 3550 m. hæð, en þá eru örfáir metrar í toppinn, við fórum ekki alla leið.. maður þarf að sækja sérstaklega um leyfi til að fá að fara þangað. En það var voðalega fallegt útsýni uppi og mér finnst ég algjör hetja að hafa þorað í kláfinn

Einn daginn ákváðum við að leigja bílaleigubíl, ætluðum að keyra hringinn í kringum eyjuna. Við ákváðum þó að byrja að keyra hraðbrautina til Santa Cruz og kíkja smá í búðir.. En það endaði með því að viðkeyrðum hraðbrautina aftur til baka því það var farið að dimma Við misstum okkur s.s. aðeins í búðunum   en það var líka mjög gaman sko.. náðum að kaupa okkur helling af fötum!

Veðrið var fínt allan tímann, ca. 27-30° hiti og sól. 

Þegar vika var liðin þá fékk ég sms þar sem Hrafnhildur vinkona tjáði mér að hún og mamma hennar voru að koma til Tenerife! Sem var ótrúlega gaman.. þær voru reyndar á hóteli frekar langt frá okkur en við náðum þó að hittast nokkrum sinnum..

Við komum svo heim til Íslands aftur 14.nóvember.. og grár veruleikinn tók aftur við  en það er nú samt alltaf voðalega gott að koma aftur heim

Núna er ég búin að skipta um útibú og komin í þjónustufulltrúann, það er bara mjög gaman. Er reyndar ekki enn farin að afgreiða, er bara svona að fylgjast með og svo var ég líka á námskeiði en þetta er allt saman voðalega spennandi

En ég get voðalega lítið hugsað um annað en Tenerife þessa dagana, við erum að fara þangað 31.okt og verðum í tvær vikur! ohh hvað það verður nice. Lóa og Freyr eru líka að fara, verðum á sama hóteli.. þannig að þetta verður stuð!    Hótelið sem við verðum á heitir Parque de las Americas og er bara 100 m. frá ströndinni og alveg í miðbænum. Voðalega lítið og krúttlegt hótel Ætla að setja inn nokkrar myndir fyrir ykkur..

Jæja skal hætta að pína ykkur með svona sólarmyndum!

Svo erum við Arnar líklegast að fara á Man.Utd - Newcastle í janúar! En það er búinn að vera draumur hjá okkur að fara á leik úti í langann tíma! Hefðum samt viljað fara á Liverpool leik en það verður bara að bíða betri tíma 

Núna ætla ég að hætta að hugsa um utanlandsferðir og fara að taka til...þangað til næst knúús 

Jæja er kominn tími á nýja færslu hérna?

Ég get svo svarið það ég var bara búin að gleyma þessari síðu.. eða svona hér um bil

Allavegana af mér er allt gott að frétta, er reyndar búin að vera veik síðan á sunnudaginn!   en sem betur fer er ég að hressast!

Síðasta helgi var algjör snilld! Agnes systir var með innflutningspartý í nýju íbúðinni sinni á Selfossi og vááá ég hugsa að þetta sé bara eitt skemmtilegasta og vel heppnaðasta partý sem ég hef farið í! Það var ROKKþema   bara snilld.. og það voru líka allir, eða lang lang flestir, að mæta sem rokkarar  Vildi að ég gæti sett inn myndir (geri það kannksi seinna) en allavegana þá eru myndir inná myspacinu mínu ef þið hafið áhuga á að skoða www.myspace.com/sirragudna

Eitt að lokum..  Ég að fara að skipa um útibú og fara í þjónustufulltrúann.. ótrúlega spennandi  

Þann 30.júní 2007 héldu Margrét og Þórir brúðkaupsveisluna sína. Hér eru nokkrar myndir síðan þá   Veislan var æðisleg... rosalega vel heppnað hjá þeim! Takk fyrir mig

ég og nýji bíllinn minn

Þórir og Margrét

Halla Karen og Jason Dagur

Við vinkonurnar

Fingurkoss til þín....

Jæja þá er sumarið bara komið held ég, allavegana miðað við veðrið sem er núna! Alveg geggjað..

Helgin er óráðin en ég hugsa að hún verði í rólegri kantinum

Ný ríksstjórn að myndast... hvernig líst ykkur á það mál????

jæja ég ætla að fara að elda pönnukökur með hakki og grænmeti..namminamm

Blogga meira síðar....

Á laugardaginn fór ég í óvissuferð með útibúinu mínu. Við áttum að vera mætt kl.13 uppí útibú, þegar þangað var komið þá fórum við öll uppí rútu og héldum af stað. Það var mikið stuð í rútunni enda Singstar í boði!

Fyrsti áfangastaður var Íshestar í Hafnarfirði. Fórum í klukkutíma reiðtúr og svo í kennslu í línudansi og einhverjum öðrum dansi sem ég man ekki nafnið á. Hesturinn sem ég fékk var algjör gribba! Hún sparkaði alltaf í hestana fyrir aftan sig og einhverjir svona stælar í henni! En þetta var samt sem áður mjög gaman. 

Eftir þetta fórum við í Hellisskóg (í Hafnarfirði) og fengum heitt kakó (sumir fengu sér sterkt bragðefni útí hehe, ég ákvað nú að sleppa því) og samlokur.

Jæja svo var okkur aftur hent inn í rútu og þá var smá rúntur tekinn um Hafnarfjörð.. þar til við stoppuðum allt í einu fyrir utan eitthvað hús... humm þetta fannst okkur nú frekar skýtin staðsetning og við gerum okkur ekki alveg grein fyrir hvað við erum að gera þarna.. þá birtist Magnús Kjartansson og bíður okkur að koma inní upptökustúdíóið sitt. Við vorum svo látið taka upp lagið Nína og Geiri.. og þar sem við vorum 11, 10 konur og 1 karlmaður, þá var okkur konunum skipt í tvo hópa, 5 og 5 í einu sem sungu fyrir Nínu, og svo var Einar (eini karlinn) látinn syngja fyrir Geira! Svo var þessu skellt saman í eitt (s.s. þessum tveimur hópum) og við fengum lagið með okkur á geisladisk! Vá hvað er gaman að fara í svona stúdíó!! Mæli með að allir prófi þetta allavegana einu sinni!  

Þá var komið að því að baða sig til að losna við hestalyktina.. fórum á Hótel Loftleiði en það er sundlaug og heitur pottur í kjallaranum þar.. þar var farið og látið líða úr sér, skellt sér í sturtu, farið í sínu fötin og málað sig.

Svo héldum við aftur af stað í rútunni og keyrðum niður í bæ og enduðum á Austur Indíafélaginu, fengum þar að borða! Eftir matinn var ákveðið að rölta á kaffihús, enduðum á Ölstofunni því að á öllum öðrum stöðum var enn fólk bara að borða!  

Og til að toppa daginn þá komu Hrafnhildur, Halla Karen og Steinunn Fjóla og hittu mig, við fórum svo á Vegamót og enduðum á Oliver.. Þetta var alveg rosalega skemmtilegur og dagur!

 Í dag á hann Baltasar Breki afmæli, en hann er orðinn 2 ára! Hérna er hann á sunnudaginn í afmæliveislunni 

 þar var ég einmitt svona gráðug... 

 Jæja segjum þetta gott í dag... 

Ég fór í Krinluna áðan og keypti fullt af fötum gaman gaman! en ég er líka komin með nýtt nafn.. eyðslukló!   neinei ég eyddi nú ekkert svo miklu..

Ég er að fara í óvissuferð á laugardaginn.. jibbíí  

Skal blogga eftir helgina og segja ykkur frá því hvað við gerðum sniðugt..  

Jæja vegna fjölda áskoranna þá hef ég ákveðið að byrja aftur að blogga Búin að vera ágætis pása...

Í gær skráði ég mig í Boot Camp Byrja mánudaginn 7.maí kl.6:15 Vá það verður sko tekið á því.. vona bara að ég lifi þetta af Maður er nú hörku kvendi þannig að ég trúi ekki öðru en að ég muni geta haldið út í þessar 6 vikur!

Við Arnar keyptum okkur tölvu um daginn, Nintendo Wii. Þið verðið að prófa þessa tölvu ef þið hafið ekki gert það! Vá erum við að tala um snilld eða hvað?!? Hver man ekki eftir gömlu Nintendo tölvunni sem maður var alltaf í! Og Super Mario Bros leiknum? Já og auðvitað Super Mario Bros 3.. Algjörir snilldar leikir! Ég er búin að vera í fílu í mörg ár yfir að tölvan hafi verið orðin ónýt.. en núna get ég tekið gleði mína aftur því að maður getur keypt flesta af þessum gömlu leikjum í gegnum wii tölvuna! Og svo eru auðvitað líka til nýjir leikir! Maður fær líka ágætis hreyfingu útúr þessu! Því að maður þarf að hreyfa sig, t.d. er einn leikur þar sem maður er í boxi og þá er maður virkilega í boxi! Fjarstýringarnar eru þráðlausar.. rosa þægilegt Jæja það mætti halda að ég væri að vinna fyrir Nintendo!!

Svo erum við Arnar að leita okkur að bíl.. Erum núna með Subaru Legacy í reynsluakstri! Geggjaður bíll, hann er dökkgrár, sjálfsskiptur, með svörtu leðri og topplúgu Ég held að ég eigi bara ekkert eftir að vilja skila honum!

Jæja þetta er komið gott núna... skal lofa að verða duglegri  

Freyja frænka mín!!! En hún er 3 ára í dag! Til hamingju með það  

Annars er bara allt gott að frétta hjá mér, fór á stelpukvöld í gær til Þórunnar! Rosalega gaman.. alltaf gaman að hitta vinkonurnar! Þar var sko borðað mikið og margt, nammi namm það var allt svo gott.. takk fyrir mig Þórunn og svo var auðvitað spjallað út í eitt.. sem er alltaf gaman haha

Vona að þið hafið það gott kæru vinir! Farið varlega um helgina, það er víst spáð ofsaveðri! Enn verra en síðustu helgi víst..þannig að ég held bara að það sé málið að leigja sér góða mynd, pakka sér inní teppi, kveikja á kertum og hafa það gott

Jæja ætli ég skelli ekki inn smá ferðasögu fyrir ykkur!  

Við lögðum af stað uppá flugvöll um 9:30, 5.okt. Mamma hans Arnars skutlaði okkur. Vorum komin frekar snemma þannig að við þurftum ekkert að bíða í neinum röðum eða neitt vesen, komumst bara strax inn. Þegar inn var komið þá fórum við að leita að einhverju til að borða, en það er nú ekki mikið úrval þarna þannig að við keyptum einhverjar vondar langlokur! Jakk ég var nú ekki mjög ánægð með það..  Svo var bara allt troðið af fólki í fríhöfninni, það var nefnilega seinkun á öllum flugferðunum nema okkar, við vorum svo voðalega heppin!

Við lentum svo á Malaga um áttaleytið og þá tók við ca. klukkutíma bið eftir töskunum.. vá ég hafði nú ekki alveg þolinmæði í það... fórum svo bara með rútu uppá hótel. Fengum ágætt herbergi á 6.hæð, þannig að það var flott útsýni yfir sjóinn og pínu hluta af hótelgarðinum.

Við skelltum okkur í tívolí sem var þarna rétt hjá, fórum með öðru pari. Það var rosalega gaman! Fórum í fullt af tækjum.. en svo þorði ég ekki í 3 tæki (tvö sem ég hef reyndar farið áður í), þorði sko ekki í svona fallturn sem var þarna! Hann fer 65 metra uppí loftið og svo á 90 km. hraða niður, tekur ekki nema svona 5 sek. að fara niður!! klikkun...

Við fórum í tvær ferðir, á mánudeginum fórum við í verslunarferð til Marbella, fengum 4 tíma í verslunarmiðstöð sem er þar og það var alltof stuttur tími! Úfff þetta leið svooo hratt að við náðum ekki að kaupa eins mikið og við ætluðum.. en það verður bara að hafa það! Náðum þó að kaupa okkur eitthvað smá! Ég elska að versla svona í útlöndum! H&M var þarna.. það er sko uppáhaldsbúðin mín.. híhí.. dýrka nærfatadeildina þar! Allt svo flott og kostar ekki neitt!!

Svo á þriðudeginum fórum við til Gíbraltar. Það var bara ágætt.. mér fannst skemmtilegast að skoða apana sem eru þar, þeir eru svo sætir að ég var að pæla í að reyna að stela einum litlum en svo þorði ég því ekki!

Við vorum mjög heppin með veður á meðan við vorum þarna, það var bara í kringum 30 stig og sól allan tímann (stundum komu pínu ský). En þessa tvo daga sem við fórum í ferðirnar þá var versta veðrið, meira skýjað og ekki eins heitt þannig að það var ágætt..

Við komum svo heim fimmtudaginn 12.okt. Rútan fór frá hótelinu kl. 05:25 um morguninn. Þegar við komum svo uppá flugvöll þá fengum við að vita það að það yrði 2 tíma seinkun! Gaman! Við þurftum svo að millilenda í Jerez, en þangað var ca. 15 mín. flug. Þar þurftum við öll að fara út með allan handfarangur og allt, aftur í gegnum vopnaleit og svo tók við bið... ekki mjög gaman en við lentum svo að lokum á Keflavíkurflugvelli um 14:30. Mamma var svo góð að sækja okkur á flugvöllinn..

Jæja nenni ekki að skrifa meira!  Hef aldrei skrifað svona langt blogg, eða allavegana ekki í mjööög langan tíma haha

Hæhæ

Jæja núna er ég komin heim á klakann aftur frá Costa Del Sol. Lentum um 14:30 í gær.. mjög gott að vera komin aftur heim en það var æði úti!!! fengum rosalega gott veður.. óvenjugott miðað við árstíma þannig að maður getur nú ekki annað en verið sáttur það var bara sól og 30 stiga hiti... hótelið var mjög fínt.. vorum bara ánægð með allt.. nema það að allir staðirnir voru farnir að loka mjög snemma eða voru bara ekkert opnir enda svona aðal ferðamannatíminn búinn.. bara gamalt fólk þarna sem fer snemma að sofa haha   en þetta var samt bara fínt

en ég get ekki haft þetta lengra núna.. skrifa kannski aðeins betur um ferðina um helgina, er að vinna núna.. kisskiss 

Á þriðjudaginn (19.sept) þá eiganðist ég lítinn frænda!! Elsku Agnes, Guðni og Freyja, til hamingju með strákinn! hann er svooo sætur   Fór í heimsókn uppá sjúkrahús í gær og fékk að sjá hann.. bara krútt sko

Við Arnar pöntuðum okkur ferð um daginn til Costa Del Sol  Förum fimmtudaginn 5.okt og komum heim 12. verðum s.s. í viku úff það verður nice.. Verðum á Aguamarina, ég hef verið þar áður og það er mjög fínt.. en hér er mynd af garðinum..

Svo núna á laugardaginn næsta þá er síðasti leikurinn í fótboltanum í sumar! Fylkir á eftir að spila við ÍBV (þeir eru fallnir) úti í Eyjum. Maður vonar bara það besta.. trúi nú ekki að þeir falli sko...